عماد البلطجي .. هتنامي من المغرب يا تجارة

عماد البلطجي اسم بدأ يترد بكثرة في كلية التجارة عماد البلطجي ضرب طالب النهارضه ..

عماد البلطجي دخل المدرج بيزعق وعايز يطرد لوحده الـ 4000 طالب اللي في المدرج ..

عماد البلطجي سرق مذكرة من طالب !!

عماد البلطجي قال لفظ مش محترم لطالب في المدرج ..

واحد تاني يسأل ..

حضرتك بتتكلم عن كلية مش كده ؟؟

فعلا .. انا باتكلم عن كلية ..

هيقولي طب مين بقى عماد البلطجي ده ؟؟؟

ببساطة وبشكل مباشر .. عمادالبلطجي ده هو الزعيم والقائد لمجموعة من البلطجية اللي استخدمتهم إدارة الجامعة بتوجيه من أمن الدولة لمكافحة طلاب الإخوان ومحاولة القضاء على نشاطهم ...

حد بقولي ازاي ؟

يعني مثلا عمك عماد -اللي مش كبير- ده كل يوم يدخل المجمع الصبح يلاقي البلطجية بتوعه مستنيينه .. يقولهم انتباه ياكلب منك له .. حد سأل على النهارضه ؟ طب بخرتوا ورشيتوا ميه ؟

ووقف فيهم خاطبا ..

هل ستتركون طلاب الإخوان يحطون دسكهم .. ويعلقون لوحاتهم ويعصون عليكم طلابهم !!! فما قولكم ..

حاجه زي كده ...






بصراحه انا مش عارف ادارة الكلية بتعمل كده ليه ؟؟؟

إيه اللي يخلي دكتور يقبل ان يتم تحريكه من قبل ضابط ؟

للدرجادي الدولة اللي احنا عايشين فيها دي بوليسية !!

عماد ده مثلا شغال في الكلية شؤون قانونية .. وبيقول لأحد طلاب الاخون انا من يوم ما اشتغلت ماعرفش ايه شغلانتي غير اني اجيلكم واخنقكم !!

لدرجة ان عميد الكلية يرفع ايده من اللي بيحصل في ساحة الكلية !!!

وهمه طلاب الإخوان عملولهم إيه يعني ؟

مالهم يعني طلاب الإخوان ؟

عملوا إيه يعني ؟؟

طلبة عاديين ومحترمين وبيخدموا الطلبة ..

حاجه عجيبة والله !!

على فكره انا معاك فى كل اللى بتقولو يا احمد


احنا اساسا بنعيش فى سجن

يعنى احنا كركترات فى مسلسل كرتونى مرسوم من زمان

كل اللى علينا اننا بنتحرك زى ما المخرج عايز

بس غى شويه ناس عندهم ضمير اللى هم ( الاخوان المسلمين _ كفايه )

حبو يخرجو عن السيناريو اللى مرسوملهم

طبعا زى م انتو عارفين ايه اللى حصلهم

روح اى معتقل مش هتلاقى فيه غير اخوان وكفايه

والله مش عارف احنا هنفضل ساكتين لحد امتى

لحد م نلاقى المخرج بينطلك فى حلمك فى نومك فى فرشتك

هتلاقى المخرج ناطط فى بنطلونك

وطبعا كلنا عارف مين المخرج ومين المخرج المنفذ

واللى ميعرفش يبقى غبى

واحلى سلام ل u.s.a

والبرنس : حسنى الدهل

ربنا يستر علينا يا شاذلى

اقابلك فى المعتقل يا مان

اه نسيت اعلق على شخصيه : عماد البلطجى

عماد البلطجى ده يا اخونا حته حمار

ملهوش ولا فى الطور ولا فى الطحين

جابوه وقالولو انت هتخدم بلدك

قلهم عنيا

وعاش فى دور رأفت الهجان

قالولو هتضرب العيال الوحشه اللى بتعمل مظهرات

مفكرش حتى يسأل اضربهم ليه ولا المظهرات دى بتتعمل ليه

كل اللى يعرفو ان ااى حد هيعمل مظهرات يبقى عدو للوطن

بالظبط زى الحمار الحصاوى

صاحبو يقولو روح الغيط يروح

روح البيت يروح

غبى بدرجه جيد جدا

وانا بقى حاسس انى هروح السجن بسبب ام الموضوع ده